ASA FANAMBOARAN-DALANA ANY AMIN’NY FARITRA ATSIMON’NY NOSY

Nandritra ny fidinana ifotony tany amin’ny faritra Atsimon’ny Nosy, notarihin’ny Filohan’ny Repoblika Atoa Andry RAJOELINA ny herinandro lasa teo, dia nojerena ireo asa fampandrosoana sy fanamboaran-dalana tanterahin’ny Minisiteran’ny Asa Vaventy, eo ambany fitarihan’ny Minisitra Atoa RAFIDISON Richard Théodore.

𝐑𝐍𝟏𝟑 – 𝐓𝐚𝐨𝐥𝐚𝐠𝐧𝐚𝐫𝐨 - 𝐀𝐦𝐛𝐨𝐯𝐨𝐦𝐛𝐞 (𝟏𝟏𝟒 𝐤𝐦)

Efa ho vita tanteraka ny asa fanarenana amin’ity lalam-pirenena nampijaly ny mponina nandritra ny taona maro ity.

- Fanamboarana tetezana vy miisa 3 sy tetezana vaovao 1

- Fanoloana sy fanarenana ouvrages hydrauliques miisa 280

- Asa tohanan’ny Banky Eoropeanina ho an’ny Fampandrosoana (BEI), ho an’ny Faritra Androy sy Anosy

𝐑𝐍𝟏𝟎 – 𝐀𝐧𝐝𝐫𝐚𝐧𝐨𝐯𝐨𝐫𝐲 - 𝐀𝐦𝐛𝐨𝐯𝐨𝐦𝐛𝐞 (𝟒𝟎𝟎 𝐤𝐦)

Natomboka tamin’ny fomba ofisialy ny asa fanamboarana amin’ny alalan’ny tetikasa PCMCI.

- Tetikasa vatsian’ny Banky Iraisam-pirenena

- Mampifandray ny faritra Androy sy Atsimo Andrefana, manome tombontsoa ho an’ny kaominina 24

- Hanamora ny fifamoivoizana sy hampitombo ny harinkarena eny ifotony

𝐁𝐨𝐮𝐥𝐞𝐯𝐚𝐫𝐝 𝐊𝐈𝐄𝐌𝐁𝐄 – 𝐓𝐨𝐥𝐢𝐚𝐫𝐚

Vita sy notokanana tamin’ny fomba ofisialy ny lalana mirefy 4,9 km sy ny digue manamorona ny seranan-tsambon’i Toliara mirefy 1,8 km.

- Miaro amin’ny tondradrano ny faritra iva (Mahavatse, Kiembe)

- Manatsara ny fitaterana entana mavesatra mankany amin’ny seranana

𝐅𝐚𝐦𝐩𝐚𝐧𝐚𝐧𝐭𝐞𝐧𝐚𝐧𝐚 𝐯𝐚𝐨𝐯𝐚𝐨

Nanome toromarika mazava ny Filohan’ny Repoblika hanarenana ireo lalana ao an-tampon-tananan’i Toliara (Père Barré, Betania, Morafeno, sns.) ary koa ny lalana mankany Sakaraha.

Mijoro hatrany ny MTP, manatanteraka ny vina sy paikady entin’ny Fitondram-panjakana ho an’ny fanarenana sy fampandrosoana ny Atsimon’ny Nosy.

#MTP #MTPmiasahoanao #RN13 #RN10 #BoulevardKiembe #ToliaraMandroso #FampandrosoanaAtsimo