RNS 27 / Faritra IHOROMBE : Fanatsarana foto-drafitr’asa ho an’ny fivezivezena azo antoka

Ny RNS 27, mirefy 145 km ao amin’ny Faritra Ihorombe, dia miainga ao Ihosy ka hatrany Ivohibe sy Maropaika. Ao anatin’ny fandaharan’asa maika 2025, tetikasa fanoloana tetezan-kazo ho tetezana vato na béton armé no tanterahina, ka tetezana 4 no voakasika: Sahambano (PK 18+500), Fitakana (PK 111+750), Sandragnavy (PK 116+000) ary PK 139+700.

Amin’izao fotoana izao, miroso ny asa fanarenana ny tetezana eo amin’ny PK 139+700 ka efa mahatratra 40 % ny fandrosoana. Vita ny beton amin’ny fototra sy ny rindrina miaro, ary eo am-pametrahana ny lasitra ho an’ny andry sy ny takela-bato ambony. Haharitra 2 volana ny asa, ary hanomboka tsy ho ela ihany koa ny fanamboarana ireo tetezana 3 ambiny, ho fanatsarana maharitra ny foto-drafitr’asa sy hiantohana ny fivezivezena azo antoka amin’ny RNS 27.

#MTP #miasaHoAnao #RNS27 #Faritra_Ihorombe #asa_maika_fanarenana